Йөрәк җылысын кушып

Архангель районында мәктәп укучылары СВО яугирләре өчен чәй җыйдылар.

Архангель районының «Радуга» яшүсмерләр клубында тәрбияләнүчеләр гадәти походны аңлы волонтерлык эшенә әйләндерделәр. Балалар табигатькә күңел ачу өчен түгел, ә мәтрүшкә һәм кыргый кура җиләге яфракларын җыю өчен чыкканнар. Инициатива «Яшьләр һәм балалар» милли проектының максатларын тормышка ашыруның бер өлеше булды. Ул укучыларны социаль әһәмияткә ия эшчәнлеккә актив җәлеп итүгә юнәлдерелгән. Үләннәр җыю беренче этап кына. Яшь катнашучылар уңышны эшкәртү белән дә шөгыльләнгән: үләннәрне яхшылап киптергәннәр, ваклаганнар һәм пакетларга пөхтә итеп тутырганнар. Бу эш сабырлык һәм төгәллек таләп итә, әмма нәтиҗә сарыф ителгән тырышлыкны аклый. Җыелган чәйне М. Шәйморатов исемендәге «МыВместе» муниципаль штабы волонтерларына гуманитар йөк белән яугирләргә җибәрү өчен тапшырачаклар.