"Безнең бурыч- бүгенге тарихны киләчәк буын өчен саклау"

Төбәк җитәкчесе Радий Хәбиров Башкортстан Башлыгы каршындагы махсус хәрби операция үткәрү чорында республика халкының батырлык һәм хезмәт батырлыклары истәлеген мәңгеләштерү мәсьәләләре буенча комиссиянең беренче утырышын үткәрде.

Комиссияне Башкортстан Башлыгы Указы белән 2026 елның февралендә оештырдылар. Аның составына министрлык һәм ведомстволардан 42 вәкил керә. Комиссия әгъзалары чаралар планын эшләделәр. Алар арасында архивларны туплау, музей-күргәзмә эшчәнлеген оештыру, шулай ук тематик теле- һәм радиотапшырулар, документаль фильмнар булдыру, форумнар, конференцияләр һәм түгәрәк өстәлләр уздыру. Башкортстан Башлыгы утырышны ачып, республикада 3600 дән артык видео- һәм аудиоматериал җыелганын ассызыклады. Бу репортажлар, документаль фильмнар, сугышчылар һәм командирлар белән интервьюлар.

- СВО беренче көннәрдән үк якташларыбыз үзләренең хәрби бурычларын лаеклы үтиләр. Аларның батырлыгы һәм чыдамлыгы тирән ихтирамга һәм рәхмәткә лаек. Тылда калганнар да җиңү өчен барысын да эшлиләр, – диде Радий Хәбиров. - Бүген Цифрлы технологияләр чорында фактлар һәм вакыйгалар тиз югалырга һәм хәтта онытылырга мөмкин. Безнең бурыч - безнең күз алдында булган тарихны бөртекләп, саклык белән җыю. Ата-бабаларыбыз Бөек Ватан сугышы турындагы хакыйкатьне саклаган һәм киләчәк буыннарга тапшырган кебек, без дә балаларыбызга һәм оныкларыбызга бүгенге вакыйгаларның геройлары турындагы хакыйкатьне һәм истәлекне тапшырырга тиешбез.