Яугир аякка баскан

 Сугыш ветераннары госпиталендә зур ярдәм тойган.

Элегрәк бу ир-егеткә ябык баш сөяге-ми җәрәхәте, баш мие селекнүе, эчке кан саву һәм гәүдәсендә күпсанлы сынып имгәнүләр диагнозын куйганнар. Бер айдан артык ир-егет яшәү өчен көрәшкән һәм  хәрби госпитальләрнең берсендә реанимациядә дәваланган. Башкортстанга кайткач, ветеранны сугыш ветераннары госпиталенә салалар һәм ул ике курс реабилитация уза. Беренче курсында хатыны белән бергә була, чөнки аның хәле катлаулы була.

Башта яугир үзе хәрәкәт итми, хәтере дә бик начар була, ул хәтта ничек яралануын да исенә төшерә алмый. Тернәкләндерүнең беренче курсын тәмамлау вакытына беренче уңай үзгәрешләр барлыкка килә: пациент, җәрәхәтләре авыр булуга карамастан, терәк ярдәмендә хәрәкәт итә башлый.

«Озын һәм актив тормыш» илкүләм проекты ярдәмендә сугыш ветераннарының Республика клиник госпитале табиблары СВО ветеранына мөстәкыйль хәрәкәт итү мөмкинлеген кайтара алган. Табиблар тырышлыгы, якыннары һәм үз ихтыяры ярдәмендә СВО ветераны яңадан аягында ышанычлы басып торырга өйрәнгән. Ике курс реабилитация узган ир-егет үзен мөстәкыйль карый ала, чит кеше ярдәменнән башка хәрәкәт итә һәм хәтта велосипедта йөреп карый. Пациентның шулай ук үткәрелә торган дәвалау һәм тернәкләндерү фонында хәтере яхшырган.

Ел башыннан 400дән артык СВО ветераны республика сугыш ветераннары госпиталендә медицина ярдәме алган. Биредә ветераннарга тәүлек буе һәм көндезге стационар ярдәм, шулай ук тулы канлы тормышка кайтырга мөмкинлек бирә торган заманча тернәкләндерү ысуллары күрсәтелә.