Алган белемнәр белән – алга!

Мәгърифәтчелек оешмасы лекторлары проектның өченче модуле кысаларында ветераннар һәм МХО «Башкортостан Геройлары» катнашучылары өчен кадрлар программасы финалистлары белән очрашачак. 11 көн дәвамында хәрби хезмәткәрләргә төбәк һәм муниципаль идарә темасына тирәнтен чумарга туры киләчәк. Алар территорияләрне үстерү, төбәкнең социаль һәм яшьләр сәясәтен һәм башка мәсьәләләрне өйрәнәчәкләр.

   Башкортстан Башлыгы Радий Хәбиров билгеләп үткәнчә, «Башкортстан Геройлары» программасында катнашучыларның бурычы — уку, стажировка һәм остазлар белән эшләү барышында алган барлык мәгълүматны мөмкин кадәр күбрәк сеңдерү. Ә аннары, шушы белемнәргә, шулай ук үз тәҗрибәләренә таянып, республиканың идарә командасында эшкә керешү.

     "Закондагы барлык яңалыклар хакимият органнарының килешеп эшләвенә юнәлдерелгән. Без аларны эшчәнлекнең финанс-икътисадый нигезләренә бәйле конкрет мисалларда ачыкларга һәм проблемаларга төрле күзлектән карарга тырыштык. Тыңлаучылар белән уңышлы элемтә килеп чыкты, бу күтәрелгән теманың мөһимлеген күрсәтә", - дип билгели оештыручылар.

Фото: реготделения Общества «Знание».