Учалы районы волонтерлары Дамир Вәлиуллин гаиләсенә ярдәм итә

Учалы районындагы М.Шәйморатов исемендәге волонтерлык штабы – чын ярдәм турында, беркем дә кайгы белән ялгызы гына калмый. Монда сүз белән түгел, эш белән ярдәм итәләр: күршеләрчә, тыныч кына һәр гаиләгә игътибар күрсәтәләр.

Учалы егете Дамир Вәлиуллин СВО зонасында Ватанны саклаганда һәлак була. Аның гаиләсе – хатыны һәм җиде баласы калган. М.Шәйморатов исемендәге штаб волонтерлары «Ватанны саклаучылар» фонды хезмәткәрләре белән берлектә Дамирның якыннарына даими килеп йөриләр. Алар азык-төлек һәм әйберләр алып килеп кенә калмыйлар, ә сугышчының хатыны Лиана Тәлгать кызына көндәлек бурычларны хәл итүдә, шул исәптән документ рәсмиләштерүдә дә булышалар.

Күптән түгел, Яңа ел алдыннан, Вәлиуллиннарның зур гаиләсе махсус күчтәнәчләр алды. «Бердәм Россия» партиясенең җирле бүлекчәсе вәкилләре, райондагы штаб җитәкчесе Ләйлә Садыйкова һәм волонтер Дамир Солтанов балаларга күптән көтелгән бүләкләр һәм сюрпризлар алып килделәр. Лиана Тәлгать кызы волонтерларны һәрвакыт җылы һәм ачык йөз белән каршы алды. Аларның һәрдаим ярдәм итүләре һәм игътибарлары өчен рәхмәт сүзләре җиткерде.

-Бу сүзләр безнең ярдәмнең чыннан да кирәкле һәм мөһим булуын раслау булып тора. Без геройларыбызның гаиләләренә алар ялгыз түгел дигән фикерне җиткерергә омтылабыз. Республика, район һәм без - барыбыз да аларга ярдәм итәргә әзер. Безнең кайгыртуыбыз бер тапкыр гына ярдәм итүне түгел, СВОда катнашучыларның гаиләләренә системалы ярдәм күрсәтүне күздә тота, – дип ассызыклады «Бердәм Россия» партиясенең Учалы районындагы җирле бүлекчәсе башкарма секретаре Айгөл Гыйбадәтова.

Фото: РИК Единая Россия