В. Путин: “Алар мәсьәләне аерым контрольдә тотар”

 СВОда катнашканнар белән алып барылган эшләр үтәлеше буенча хисап тоттылар.

Ә йөкләмәләр аларны иҗтимагый-сәяси тормышка җәлеп итүгә кагылган. «Бердәм Русия» партиясе Генераль советы секретаре Владимир Якушев СВОда катнашучылар өчен барлык кирәкле эш башкарылуын билгеләп үтте:

Югары партия мәктәбе мәйданчыгында берничә зур белем бирү трегы әзерләнгән, барлык дәрәҗәләрдә остазлык институты кертелгән:

төбәкнең закон чыгару җыелышында, административ үзәктә, муниципалитетта.

 - Президент безнең алда куйган төп бурычларның берсе-2025 елда уздырылучы сайлау кампаниясе кысаларында мөмкин кадәр күбрәк егетләребез, махсус хәрби операциядә катнашучылар сайлау кампаниясендә катнашсын. Бердәм тавыш бирү көне-2025 нәтиҗәләре буенча мандатны махсус хәрби операциянең 890 катнашучысы алды. Алдагы ел белән чагыштырсак, 2024 елда 304 мандат булган. Шуңа күрә биредә үсеш күзәтелә, - дип сөйләде Владимир Якушев.

Әйтик, Башкортстанда партиядән җирле үзидарә органнарына СВОда катнашкан 10 депутат сайланды.

Партиянең Генераль совет Секретаре сүзләренчә, бүгенге көндә төп бурыч – 2026 елда бердәм тавыш бирү көне. Бердәм тавыш бирү көненнән соң тагын бер бурыч - «Бердәм Русия» Халык программасын Милли максатлар һәм милли проектлар турындагы Президент Указына туры китерү.

- Безнең программада СВОда катнашучыларга һәм аларның гаилә әгъзаларына кагылышлы аерым бүлекчә барлыкка килде. Аны Россия Герое Владимир Сайбель җитәкли. Оборона министрлыгы, Гомумрусия халык фронты, «Ватанны саклаучылар» фонды белән берлектә бүген төп мәсьәләләрне хәл итеп булды дип әйтергә була, – дип өстәде Владимир Якушев. Шулай ук махсус хәрби операциядә катнашучыларга һәм аларның гаилә әгъзаларына ярдәм итү буенча кертелә торган закон инициативалары өчен парламентарийларның бертавыштан диярлек тавыш бирүләренә игътибар юнәлтелде.

– Минем уйлавымча, үзләре сугышта катнашкан кешеләр булгач, алар хакимият органнарында хәрбиләрнең үзләренә һәм аларның гаиләләренә ярдәм итү мәсьәләсен аерым контрольдә тотачак, - дип ассызыклады Владимир Путин.