Шәфкать туташы СВО зонасына китте

Анда аның улы, анда аның кияве...

Ана хисе, сөю дә көчле. Шул  сәбәпле дә, тынгысыз җанлы Лилия монда калырга теләмәгәндер.

Благовещен районы үзәк район хастаханәсе шәфкать туташы Лилия бу карарга күптән килгән булса да, күптән түгел СВО зонасына «Беренче тирмә» төркеме составында СВОга китте.

Кыю хатын-кызның бу гамәле турында муниципалитет администрациясе башлыгы Анна Карабанова сөйләде.

Лилия 30 елдан артык медицинада эшли. Благовещенск район дәваханәсендә күп еллар хирургия бүлегендә эшли һәм операция бүлмәсендә ассистентлык итә. Карабанова сүзләренчә, Лилиянең алгы сызыкта аның улы һәм киявехәрби бурыч үти. Шәфкать туташы үзе махсус операция елларында актив рәвештә волонтерлык эшчәнлеге белән шөгыльләнә, сугышчыларга гуманитар ярдәм җыя. Шул ук вакытта шәфкать туташы СВО зонасына волонтер-медик сыйфатында бару өчен берничә тапкыр гариза биргән булган инде. Менә килеп, ниһаять, бу юлы ул үзенең миссиясенең мөһимлегенә ышандыра алган.

Хәзерге вакытта Лилия үз белгечлеге буенча эшли. Ул госпитальдә хирургларга хәрбиләрнең гомерләрен саклап калырга ярдәм итә.

"Лилиядә медицина хезмәткәренең төп хисе — сизгерлек көчле. Аның хирургия шәфкать туташы ярдәме өлкәсендәге тирән белеме һәм төрле катлаулылыктагы перевязкаларны яхшы эшли белүе, катлаулы операцияләрдә хирургларга ассистент булырга, шулай ук пациентлар турында кайгыртырга ярдәм итә. Аның сизгерлеге өчен аның карамагындагылар даими рәхмәт әйтәләр. Ә хезмәттәшләре Лилиядән катлаулы перевязкаларда һәм башка медицина зирәклекләрендә эшләргә өйрәнә", - дип уртаклашты Анна Карабанова.

Хәтерегездәдер, Башкортстан Башлыгы белән туры элемтәдә 25 еллык стажы булган хирургия шәфкать туташы Эльвира Әхәтова СВОга эләгергә ярдәм итүен сорады ( военкоматта аңа бу гозырен кире какканнар). Радий Хәбиров бу уңайдан әйтте: «Миңа әле Ходай каршында үз кулларым белән шактый күп ир-атларны сугышка озаткан өчен җавап бирергә кирәк. Хатын-кызларны да анда озатып, хәлне мас идем», - диде Радий Хәбиров. Ул «Беренче тирмә» оешмасы аша волонтер сыйфатында госпитальләргә йөрергә альтернатива тәкъдим итте.

Ә Лилиягә һәм аның янында булган кыю һәм сизгер, олы йөрәкле ханым-туташларга, ир-егет табибларга, яудагы ир-егетләргә барысына да ныклы сәламәтлек телибез. Сугышлар туктасын, барыгыз да исән-сау булыгыз. Туган якларга тизрәк кайтырга насыйп булсын.