Эллина – тынгысыз волонтер

Ул медаль белән бүләкләнде.

СВО волонтеры Эллина Суфьянова РФ Оборона министрлыгы медале белән бүләкләнде.

Бишбүләк районыннан волонтер, «Барысы да фронт өчен — Бишбүләк» иҗтимагый хәрәкәте лидеры Эллина Суфьянова «Русия Федерациясе оборонасын ныгытуга керткән өлеше өчен» медале белән бүләкләнде.

Бүләкне республика Башлыгы Радий Хәбиров ЦУРда хөкүмәтнең оператив киңәшмәсендә тапшырды.

Эллина Суфьянова төбәк башлыгына волонтерлар инициативаларын хуплавы өчен рәхмәт белдерде. "Республикада СВО сугышчыларына, волонтерларына һәрьяклап ярдәм күрсәтелә. Бу медальгә минем артымда басып торган йөзләрчә кеше һәм сугышчыларга ярдәм итүче республиканың барлык волонтерлары лаек. Безнең район һәм бөтен республика егетләребез хакына берләште", - диде волонтер.