Башкортстаннан 23 яшьлек студент фронт сызыгы буендагы госпиталь герое булды

Иван махсус хәрби операция уздыру зонасында урнашкан эвакуация госпиталендә хезмәт иткән. Яшь волонтёр сүзләренчә, ул кешеләрнең фронт сызыгына турыдан-туры якынлыкта яшәп, үзләрендә яшәргә, өмет һәм шатлык сакларга ничек көч табуларын шәхсән аңларга омтылган. Аның максаты — яраланган яугирләргә ярдәм күрсәтү һәм Луганск госпиталенең медицина персоналына булышу булган.

Иван 2002нче елда Уфада туган, Иглин авылындагы 3нче урта мәктәпне тәмамлаган, ә хәзерге вакытта Бөре медицина-фармацевтика көллиятендә «Дәвалау эше» белгечлеге буенча фельдшер һөнәрен үзләштерә. Иглин районы башлыгы Гүзәл Насыйрова яшь егетнең яшьтән үк медицина белән кызыксынуын һәм бу һөнәрне сайлавын билгеләп үтте, чөнки ул кешеләргә ярдәм итәргә омтыла.

Поздняковларның медицина династиясе районда билгеле: Иванның әтисе Федор Евгеньевич - өч дистә елдан артык анестезиолог-реаниматолог булып эшли, шуның егермесен Иглин үзәк хастаханәсенә багышлаган. Хәзер ул лаеклы ялда.

Госпитальдә хезмәт иткәндә Иван медицина процедураларының киң спектрын үтәгән: мускул һәм вена эченә инъекцияләр, тамчы һәм катетерлар кую, авыр яраларны бәйләү, шул исәптән ампутациядән соң һәм ачык сыну булганда, гипс бәйләвечләр һәм лонгет салуларны ясаган. Шулай ук авыр авыруларны транспортировкалау белән кечкенә хирургик чаралар вакытында ассистентлык та иткән.

Стресслы вәзгыятькә, зур йөкләнешкә һәм шартларның эмоциональ катлаулылыгына карамастан, Иван тиз җайлаша алган һәм үз сменасын лаеклы эшләгән.

Юлай НИЗАЕВ әзерләде.