Уфа табибәсе "Батырлык өчен" медале белән бүләкләнде

Татьяна Владимировнаның беренче командировкасы узган елның февралендә була. Ул Луганск һәм Донецк Халык Республикалары госпитальләрендә яугирләргә медицина ярдәме күрсәткән. Шулай ук батыр йөрәкле Татьяна Соледарга барган, анда подвалларда җиһазландырылган - импровизацияләнгән медицина пунктларында эшләгән.

Былтыр июльдә табибә Александр Невский исемендәге ирекле разведка-штурм бригадасына кергән, «Графиня» позывноен алды. Бу карар аның өчен мөһим адым була — госпитальләрдә генә түгел, турыдан-туры алгы сызыкта да яралыларга ярдәм итүне дәвам итү мөмкинлегенә дә ия ул.

Хәзер Татьяна Бочкова Луганск, Ростов өлкәсе һәм Кызыл Луч хәрби госпитальләрендә хезмәт итә, даими рәвештә яу кыры зонасына чыгуын дәвам итә.

«Батырлык өчен» медален аңа бригада командиры тапшырган. Хәрби шартларда да, алгы сызык линиясендә дә медицина ярдәме күрсәткәндә күрсәткән батырлыгын һәм фидакарьлеген тану йөзеннән бирелгән аңа бу мәртәбәле бүләк.

Юлай НИЗАЕВ әзерләде.