Русия Герое Тамерлан Илһамовның якташлары фронтка гумконвой җибәрде

Әбҗәлил районы халкы якташ яугирләр өчен чираттагы гуманитар ярдәм партиясен җыеп, йөкне махсус хәрби операция зонасына озатты.

Район хакимиятендә Амангилде урта мәктәбе балаларының һәм укытучыларының өлешләрен аерым билгеләп үттеләр. Алар йөздән артык банка тәмле өй ашлары, борщлар, тозланган һәм маринадланган яшелчәләр, талкан һәм чәк-чәк җибәрделәр. Шулай ук изге йөрәкле райондашлары һәр яугиргә кирәк-яраклар җыелмасын аерым җыйдылар.

"Аш салынган һәр банка, һәр пачка печенье — безнең батыр күңелле ир-атлар өчен мөһим билге ул: алар үзләре турында нәрсә хәтерләгәннәрен һәм аларны көткәннәрен беләләр, димәк", — дип ассызыкладылар муниципалитетта.

Исегезгә төшерәбез, шул ук көнне Әскәр авылында туып-үскән Русия Герое Тамерлан Илһамовка бюст ачылды.

Юлай НИЗАЕВ әзерләде.

Фото: Әбҗәлил районы хакимияте.