Башкортстан волонтерлары яугир гаиләсенә булышты

Октябрьск шәһәрендә Миңнегали Шәйморатов исемендәге Волонтерлар штабына махсус хәрби операциясе яугиренең гаиләсе мөрәҗәгать иткән.

Ярдәмгә шунда ук волонтерлар – күппрофильле көллият студентлары килгән. Алар яшелчә бакчасын казыган, участокта чүп-чарны җыештырып киткәннәр. Һәм рухи яктан да хәрбинең якыннарын бары тик яхшы сүзләр һәм ихтирам-хөрмәт белән юатканнар, җанлы әңгәмә корганнар.

Әйтергә кирәк, батыр ир-егет булган гаилә башлыклары яу кырында булганда, аларның якыннары өчен һәръяклап ярдәм дә, җылы сүз дә бик мөһим вә кадерле. Афәрин, изге йөрәкле һәм миһербан күңелле волонтёрларыбыз!