Стәрлетамак мэры махсус хәрби операция зонасына барган

Сәфәрдә Стәрлетамак хакимияте җитәкчесе Эмиль Шәймәрданов шәхсән катнашты, ул Донбасска баручы колоннага кушылды.

"Гуманитар конвойны Русиянең барлык 4 яңа субъектына һәм Курск өлкәсенә китердек. Башкортстан Республикасы Хөкүмәте Премьер-министры урынбасары Рөстәм Фәрит улы Газизов белән егетләребез янына барып, алар белән аралаштык. Автомобильләр, дроннар, төзелеш материаллары, электр инструментлары һ.б. әйберләр төялгән өч фураны да якташларыбызга тапшырдык. Бу 16нчы гумконвойны, һәрвакыттагыча, егетләрнең ихтыяҗларыннан чыгып формалаштырдылар, шул исәптән адреслы ярдәмнәр дә булды. Егетләребездән барлык стәрлетамаклыларга, шәһәребезнең барлык предприятиеләренә һәм оешмаларына, волонтерларга ихлас рәхмәтемне җиткерәсем килә. Шәһәрнең шундый көчле ярдәме һәм егетләрнең ватанпәрвәр рухлы кәефе белән башкача була да алмый. Җиңү безнең кулда булачак", - дип язып үтте Эмиль Владиславович.