Сак булыгыз! Ярамый!

Республикада пилотсыз очкычлар турында нинди дә булса мәгълүмат таратырга, Украина дроннары килүе турында фото һәм видео урнаштырырга ярамый.

Мондый хокук бозу өчен өч меңнән биш мең сумга кадәр штрафмтүләргә мөмкин, ә әгәр мәгълүматны редакция тараткан икән - 100 меңнән 500 мең сумга кадәр. "Собкор 02" хәбәр иткәнчә, сүз рәсми сайтлар турында гына түгел, ә блоглар, социаль челтәрләр һәм теләсә нинди мессенджерлар турында да бара. Бу чара Башкортстанда 2022 елда кертелгән база әзерлеге дәрәҗәсе режимы бетерелгәнче билгеләнә.

Башкортстанның иҗтимагый куркынычсызлык ведомствоара советы секретаре, республиканың террорчылыкка каршы комиссиясе аппараты җитәкчесе Валерий Олейник аңлатканча, мондый язмалар “дошман кулына уйный".

- Россиядә Гражданлык объектларына пилотсыз очкычлар җибәрүче Украина террорчылары челтәрдә барлыкка килгәннәрнең барысын да карый, - дип шәрехләде Валерий Станиславович. Кулланучылар һәм массакүләм мәгълүмат чаралары бастырган фото һәм видео буенча алар шартлаткыч тутырылган пилотсыз очкычның нинди траектория буенча очуын, ул бурычны үтәгәнме икәнлеген һәм үлем йөге төгәл максатка ирешсен өчен икенче тапкыр юнәлешне ничек төзәтергә икәнен ачыклый ала, -ди ул.