«Башкортстан Геройлары» проекты яңа офыклар ача

«Башкортстан Геройлары» программасы финалисты Рафаэль Солтанов сак һәм разведка батальоны разведчигы, спецназ штурмовигы булып ашыгыч хезмәтне үткән каһарман.

Беренче көннәрдән үк махсус хәрби операциягә киткән. Контракт тәмамланганнан соң 2022 елда өенә кайта һәм яшьләрне хәрби хезмәткә әзерләү белән шөгыльләнә башлый. Бүген Рафаэль абый Нефтекаманың хокук саклау органнарында хезмәт итә һәм бер үк вакытта Русия Эчке эшләр министрлыгының Уфа юридик институтында укый.

Исегезгә төшерәбез, «Башкортстан Геройлары» проекты февральдә Русия Федерациясе Президенты Владимир Путин тәкъдим иткән «Геройлар вакыты» федераль инициативасының төбәктәге дәвамы буларак эшләтеп җибәрелде. Программада МХО зонасында хезмәттәге һәм демобилизацияләнгән хәрбиләр катнашу мөмкинлегенә ия.

Юлай НИЗАЕВ әзерләде.

Фото: «Башкортстан Геройлары».