Радий Хәбиров Русия Герое Риф Сәхабетдиновны Шәйморатов ордены белән бүләкләде

Русия Герое, РФ атказанган хәрби очучысы Риф Сәхәбетдинов Шәйморатов исемендәге орденга лаек булды. Бүләкне БР Хөкүмәтендәге оператив киңәшмәдә төбәк җитәкчесе Радий Хәбиров тапшырды.

 — Безнең искиткеч якташыбыз, Чишмә районында туып үскән, гомере буе илебезгә хезмәт иткән, күп кенә кораллы конфликтларда катнашкан Русия Федерациясе Герое бар, — диде Башкортстан Башлыгы тантана вакытында. — Без Сәхабетдинов Риф Рәис улын генерал Шәйморатов ордены белән бүләкләргә карар кылдык.

Мәртәбәле бүләкне кабул иткәндә, Риф Сәхабетдинов, аерым алганда, болай диде:

— Мин бүген республика Башлыгы кулыннан әлеге орденны алуыма бик горурланам. Бу минем өчен зур дәрәҗә. Һәм мине Башкортстан Республикасы өчен тагын да күбрәк эшләргә мәҗбүр итә, — дип ассызыклады ул.

Юлай НИЗАЕВ.

Фото: трансляциянең стоп-кадры.