МХО ветеранына йортын яңадан җиһазландырырга ярдәм итәчәкләр

«Ватанны саклаучылар» дәүләт фондының Башкортстан Республикасы буенча филиалында ветераннарны шәхсән рәвештә эшләү дәвам итә. Күптән түгел фонд филиалы белгечләре Хәйбулла районында яшәүче ветераннар белән очрашты.

Визитның максаты - сәламәтлек торышы, реабилитация, организмның югалган функцияләрен торгызу өчен протезлар һәм башка югары технологияле җайланмалардан файдалану мәсьәләләрен ачыклау, алга таба адаптацияләү өчен торакны тикшерү, адаптив киемнәрне күрсәтү, шулай ук очрашу үткәрү һәм ветераннарны адаптив спортка җәлеп итү.

Ветераннар өстәмә белем алу, яңа һөнәрләр үзләштерү, эшкә урнашу планнары турында сөйләделәр. Аннары спортның адаптив төрләрендә катнашу, булган белемнәрен һәм күнекмәләрен реабилитацияләүдә һәм социализацияләүдә куллану мөмкинлеге турында фикер алыштылар.

Моннан тыш, фонд филиалы белгечләре муниципаль комиссия вәкилләре белән берлектә махсус хәрби операция ветераны Руслан Бикбовның торак шартларын тикшерделәр. Тиздән ветеранның торагы күпкә функциональ һәм уңайлырак булачак. 

"Тормыш ситуацияләрен карауга комплекслы якын килү килеп туган мәсьәләләрне тиз һәм нәтиҗәле хәл итәргә мөмкинлек тудыра. Моннан тыш, егетләр белән очрашулар, аларның ышанычы тагын да зуррак нәтиҗәләр белән ярдәм итәргә көч бирә", - дип ассызыклады "Ватанны саклаучылар" фондының БР филиалы җитәкчесе Гөлнур Кулсарина.

Юлай НИЗАЕВ әзерләде.