Башкортстан штурмовигы Русия Герое Мигунов белән хезмәт итүе турында сөйләде

Оборона министрлыгы белән контрактка кул куюга кадәр "Чига" машина йөртүче булып эшләгән. Вакытлы хезмәтне ВДВ сафларында үтә, Төньяк Кавказда хәрби тәҗрибә ала. Ләкин яңа күнекмәләрне һәм белемнәрне аңа махсус хәрби операция биргән. Ә төп остазы - Андрей Мигунов булган. 

"Андрей Павлович белән мин 2023 елның маенда "Патриот" паркында батальонны озату вакытында таныштым. Хезмәтне Т-90М " Прорыв"танкы командиры булып башладым. Техника куәтле, дөньяда иң яхшысы, шуңа күрә анда бөтен җаваплылык белән эшләргә өйрәндек. Хәтерлим әле, "Скиф" беренче көннәрдән үк безгә: "Егетләр, шаяртулар бетте. Алда мөһим эш бар һәм без аны яхшы итеп башкарырга тиешбез, башкорт танкистлары өчен беркемгә дә оят булмасын өчен“. Аннары без аның сүзләрен батальонның стена газетасында еш куллана идек. Палыч кырыс, ләкин иптәшләр арасында хөрмәтле һәм абруйлы иде. Кул астындагыларга әти кебек карады. Ул хәтта сержантлар составына да, солдатларга да офицерларга караганда яхшырак карый иде. Безгә һәрвакыт аңлап эш итте. Көндез я хәрби операция, аннары техниканы икенче чыгуга әзерләү була иде. Алда бернәрсә дә күрмәүдән арыйсың. Ләкин кичен кичке аштан соң  "Скиф" сөйләшеп белән утырасың, йөрәгеңә дә җиңелрәк булып куя, арыганлык та бетә иде. Ярдәмчел ир-ат иде, шундый дөрес кеше иде. Безнең комбат һәлак булгач, мин штурмовикларга күчтем", - дип бәян итте "Чига".

Яугир сүзләренчә, әлбәттә, танкист белән штурмовик арасында аерма бар. Бер эш — 1000 миллиметрлы броня артыннан динамик саклану астында эшләү һәм бөтенләй икенче - бронежилет, шәхси корал һәм боекомплектны үз эченә алган 30 килограммнан артык авырлыктагы җиһазларда тиз хәрәкәт итү. Ләкин "Чига" тиз ияләшә һәм штурм группасында иң яхшыларның берсенә әверелә.

Юлай НИЗАЕВ әзерләде.

Фото: "Башинформ".