Радий Хәбиров Донбасста "Башкортостан" полкы хәрбиләре белән күреште

Төбәк Башлыгы Радий Фәрит улы хәрбиләрнең яшәү шартлары белән танышты, медицина пунктын карады. Әлеге пунктта яугирләргә ашыгыч ярдәм күрсәтелә һәм шәхси составның сәламәтлеген ныгыту өчен профилактик чаралар үткәрелә.

Башкортстан Башлыгы шулай ук идарә итү пунктында, ашханәдә, полкның мобиль мунчасында һәм тренажер залында булды, аннары хәрби техника һәм җиһазлар, шул исәптән FPV-дроннар белән танышты, комплектлаучыларны өстәмә китерү буенча теләкләр турында фикер алышты.

Полкка килгәч, Радий Хәбиров яугирләргә Башкортстанның дәүләт бүләкләрен тапшырды.

— Үзегезне саклагыз. Без сезнең өчен бик нык борчылабыз. Республика сезнең өчен булдыра алганның барысын да эшли. Кайтыгыз, без сезне өйдә көтәбез, — дип ассызыклады Радий Фәрит улы.

Республика Башлыгы хәрбиләрнең гаиләләрен матди-техник тәэмин итү һәм аларга ярдәм итү мәсьәләләре буенча да сөйләшеп алды.

Юлай НИЗАЕВ әзерләде.

Фото: БР Башлыгы порталы.