МХОда катнашучыларга ярдәм чараларын рәсмиләштерү мөмкинлекләре арта

Премьер-министр Андрей Назаров рәислегендә узган Хөкүмәт утырышында 2025 елның I яртыеллыгы нәтиҗәләре һәм 2025 ел ахырына кадәр “Минем документлар” республика үзәкләрен үстерү планнары турында фикер алыштылар.

Министрлар кабинеты җитәкчесе сүзләренчә, “Минем документлар” үзәкләре махсус хәрби операциядә катнашучыларга һәм аларның гаилә әгъзаларына ярдәм чаралары күрсәтү кебек бурычларны хәл итүгә актив кушылды.

– 10 елдан артык Күпфункцияле үзәкләр гражданнарның хакимият органнары белән “бер тәрәзә” принципларында үзара хезмәттәшлегенең төп мәйданчыгы булып тора, – диде Андрей Назаров.

Премьер-министр урынбасары – Хөкүмәт Аппараты җитәкчесе Азамат Абдрахманов әйтүенчә, быел шәһәр агломерацияләре тирәсендә Күпфункцияле үзәкләр кече офисларын ачу эше дәвам итте. Мондый офислар Стәрлетамак районында, Нагай һәм Әмзә авылларында барлыкка килде.

Шулай ук “Минем документлар” үзәкләрендә гражданнар өчен мөмкин булган хезмәтләр исемлеге киңәйтелә. Азамат Абдрахманов әйткән мөһим яңалыклардан түләүсез парковкаларга хокукны рәсмиләштерү, күп балалы гаиләләрдән һәм МХО катнашучыларының гаиләләреннән мәктәп укучыларының түләүсез йөрү хокукын рәсмиләштерү, I һәм II төркем инвалид булган МХО катнашучыларына түләүсез хезмәт күрсәтү.

Масштаблы цифрлаштыру мошенниклык гамәлләре хәвефсезлеген дә арттыра. Күпфункцияле үзәкләр ягыннан мөрәҗәгать итүчеләрне кибермошенниклардан яклауга юнәлдерелгән чараларның тулы бер комплексы гамәлгә ашырыла.

Ел ахырына кадәр хәл ителергә тиешле төп бурычлар арасында МХОда катнашучыларга һәм аларның гаилә әгъзаларына күпфункцияле үзәккә бер килү өчен, шул исәптән комплекслы сорау буенча да, мөмкин кадәр күбрәк ярдәм күрсәтүне оештыруны билгеләделәр.

– Гражданнарның күпфункцияле үзәккә мөрәҗәгать итү мөмкинлекләренә максималь юнәлеш биреп, хезмәтләр күрсәтү процессына камилләштерүне яңадан карап чыгарга кирәк, – диде Азамат Абдрахманов.