“Дуслык” кызлары һәр эштә бердәм

Уйлары да, эшләре дә бер максатта.

Авдон авыл мәдәният йорты хезмәткәрләре яуга киткән якташларына ярдәм күрсәтеп, төрле матур гамәлләр кыла. Бу юлы бергә җыелып, нәзек кенә итеп өй токмачы кисте алар. “Дуслык” татар фольклор ансамбле кызлары эштә дә, күңел ачканда да бердәм. Авыл халкының җанлы, матур тормышын баетып яшәү өчен алар сәләтләрен дә, вакытларын кызганмыйлар.

Әфарин, кызлар, ир-егетләрегез сезнең күчтәнәчләрне авыз итеп, туган якларына исән-имин кайтып җитсеннәр. Киң ризыклы булырга язсын.