Батырның остазы

 “Башкортстан Геройлары” кадр программасында финалга чыгучыларга остазлар билгеләделәр.  Шушы көннәрдә “Патриот” паркында остазлар билгеләү көне булды. Анда Башкортстан Республикасы Хөкүмәтенең Премьер-министры Андрей Назаров та катнашты һәм яугир Алмаз Гомәровның остазы булачак.

Алмаз Гомәров махсус хәрби операциядә авыр минутта кыюлык һәм батырлык күрсәтә: аның подразделениесы ут астында һәм дошман камалышында кала. Алмаз яралыларга ярдәм күрсәтә, командованиесына дошманның төгәл координатларын хәбәр итә. Аның бу батырлыгы аркасында дошманның позициясен юк итеп, Русия яугирләрен исән-имин хәвеф урыныннан алып чыгалар.