«Кореш» позывнойлы яугир яралыларны коткара

Моңа кадәр ул берничә ел гражданлык өлкәсендә хезмәт иткән, әмма армия бүлекчәләренә кушылырга карар кабул иткән. Бүген аның бүлекчәсе Костромада урнашкан. «Кореш»ның абыйсы бронетөркемдә хезмәт итә, ә үзе медицина взводында.

Беренче ике атнада ул гомуми хәрби әзерлек узган, ә аннары гыйнварда тактик медицина курсларына укырга керә. Хәзер якташыбыз санитар инструктор вазыйфаларын башкара һәм медвзвод бүлекчәсе командиры итеп билгеләнә, дип хәбәр итә «Башкирский батальон» Телеграм-каналы.

Төп бурыч — яралыларны хәрби хәрәкәтләр зонасыннан эвакуацияләү. Аның сүзләренчә, кайвакыт утны туктатуны көтәргә туры килә, ләкин ешрак — ут, атыш астында эшли. Ул шәхсән ике авыр яраланган хезмәттәшен коткарган, ә төркем составында дистәләгән хәрби хезмәткәрне эвакуацияләгән. Авыр шартларга карамастан, подразделениедә мораль кәеф югары.

«Кореш» белән бергә Мәләвез һәм Стәрлетамак егетләре — хәрби бурычларны иңгә-иң куеп башкаручы якташлар хезмәт итә.

Юлай НИЗАЕВ әзерләде.

Фото: «Молодежная газета».