Батырлар даны мәңгелек

Башкортстан Башлыгы һәлак булган хәрбиләрнең туганнарының кайгысын уртаклашты һәм яугирләргә хәрби бурычларны үтәгәндә күрсәткән батырлыклары өчен һәлак булганнан соң соң бүләкләнгән генерал Шәйморатов орденнарын тапшырды. 

— Сезнең балаларыгыз, ирләрегез — илебезне саклап, үз бурычларын намус белән үтәгән чын геройлар. Без аларның батырлыкларын һәрвакыт истә тотачакбыз, - диде төбәк җитәкчесе Радий Фәрит улы. — Хәзер сезне игътибар һәм кайгырту белән әйләндереп алу мөһим.

Башкортстан Башлыгы ассызыклаганча, төбәктә махсус хәрби операциядә катнашучыларның гаиләләренә ярдәм итүнең киң комплексы гамәлдә, ә район хакимиятендә хәрбиләрнең туганнарына һәм якыннарына тиешле ярдәм күрсәтергә һәрвакыт әзер торалар. Радий Хәбиров хәбәр иткәнчә, Уфада һәлак булган МХО яугирләре истәлегенә мемориал төзергә планлаштыралар. Шулай ук республиканың һәр муниципалитетында обелисклар һәм хәтер аллеялары барлыкка киләчәк. Һәлак булганнарның әти-әниләре республика Башлыгына гаиләләренә шәхси игътибары өчен рәхмәт белдерде.

Юлай НИЗАЕВ әзерләде.

Фото: БР Башлыгы рәсми порталы.