Имам СВО зонасына хезмәт итәргә китте

Бу хакта Русия  мөселманнарының Үзәк Диния нәзарәтендә хәбәр иттеләр. СВО башланганнан бирле Сәйфулла Гайсин фронтка актив ярдәм итә, гуманитар йөкләрне алгы сызыкка җибәрә. Ул сугышчыларга кирәкле әйберләрне китерү өчен Донбасска ике тапкыр барган. Хәзрәт сүзләренчә, фронтка бару карарын ул 2022 елда ук кабул иткән. "Озак вакыт мәчет төзелеше белән мәшгуль идем. Күптән түгел генә яшь имамнар мәдрәсәдән кайттылар. Мин аларга үз вазифаларымны тапшырдым һәм СВО зонасына сугышчылар янына киттем. Мин округ имамы вазыйфаларын башкарам. Православие руханилары белән бергә хәрби частьларга барачакбыз, солдатларның хәрби рухын ныгытачакбыз һәм аларга катлаулы хәлләрдә ярдәм итәчәкбез», — дип сөйләгән Сәйфулла хәзрәт.

Сәйфулла хәзрәт сүзләренә караганда, СВО зонасында 2022 елдан аның абыйлары хезмәт итә.

"Минем бер туганым һаман да анда, алгы сызыкта. Әбйәлил районыннан сугышчылар күп. Махсус операциягә җибәрер алдыннан мин «Бердәмлек көче» журналын чыгардым. Журналда безнең районнан хәрби хезмәткәрләргә ярдәм итүче волонтерлар, шулай ук алгы сызыкта көрәшүче геройлар турында сөйләнелә. Тышлыкта безнең герой — Аксак Тимер исемле солдат сурәтләнгән", - ди хәзрәт.

Исегезгә төшерәбез, Башкортстаннан килгән полк руханилары Хәмзә хәзрәт һәм ата Виктор СВОның беренче көннәреннән үк алгы сызыкта хезмәттә.

2025 елның июнендә СВО зонасына Учалы районыннан рухани Александр Гаврик китте.

Чыганак: bashinform.ru