Башкортстаннан алгы сызыкка югары нәтиҗәле дрон детекторы җибәрделәр

Пилотсыз очкычларны ачыклаучы «Булат»ны Башкортстаннан махсус операция сугышчыларына тапшырдылар, дип хәбәр итә республиканың төбәк белән идарә итү үзәгендә. Югары нәтиҗәле дрон детекторын төбәк Премьер-Министрының беренче урынбасары Урал Кильсенбаев хәйрия концерты кысаларында бирде.

Күгәрчен районы башлыгы Марат Искужин язганча, дошман атакаларына оператив җавап бирү хәрбиләрне дә, техниканы да саклап калырга ярдәм итәчәк.

Моңарчы, Уфадан МХО зонасына 90 хәрби хезмәткәрне озатканнар иде.

«Башинформ» буенча Юлай НИЗАЕВ әзерләде.