“Мин сугыштан исән чыктым"

Махсус хәрби операция турында китап дөнья күрде.

Танылган язучы, журналист һәм «Агыйдел» әдәби журналы мөхәррире Мөнир Кунафин Махсус операция зонасына кылган командировкалар эзләре буенча «СВО. Мин сугыштан исән чыктым" китабын нәшер итте. Бүген “Китап” кибетендә аның исем туе узды.

Җыентык Мәскәүнең «АСТ " нәшриятында бастырылган. Китап «Время Z» патриотик сериясендә беренчеләрдән булды. Бүгеннән ул «Китап " кибете киштәләрендә пәйда булды. Бүген аны беренче укучылары сатып алды.

 СВО зонасында ике тапкыр булган Мөнир Кунафин яугирләр белән әңгәмәләргә һәм шәхси кичерешләргә нигезләнгән тәэсирләре белән уртаклашты. Китап авторы сүзләренчә, ул киләчәк буыннар өчен СВО вакыйгаларын дөрес чагылдыру омтылышы, тарихны бозудан кисәтү максатында иҗат иткән.

Мөнир Кунафинның «СВО» китабының презентациясендә патриотизм турында драматик поэма «бер гомер җитми икән...» монологлары яңгырады. Мин сугыштан исән чыктым..."  солдатларның башыннан үткән һәм килеп туган язмышлар турындагы хикәяләре аның берничә әдәби әсәренә, шул исәптән Башкортстан Республикасының Мостай Кәрим исемендәге Милли яшьләр театры спектакленә нигез булып ята. Презентациядә Башкортстанның атказанган артисты Рәмзил Сәлманов «Комбат»кушаматлы персонажның сайлап алынган монологларын укыды. Аның чыгышы чарага үзенчәлекле атмосфера һәм көч бирде.

БР Башлыгы администрациясе җитәкчесе вазыйфаларын башкаручы Азат Бадранов Мөнир Кунафин әсәрләренең, бигрәк тә аның юл язмаларының намуслылыгын һәм чынбарлыкка туры килүен югары бәяләде.Аның сүзләренчә, тасвирлауларның тирәнлеге һәм төгәллеге, шулай ук авторның афористик формада белдерелгән фәлсәфи уйланулары укучыларны битараф калдырмаячак.

"Махсус хәрби операция башланганнан бирле бөтен республика анда катнашучыларга ярдәм итә. Бу эшкә безнең иҗади интеллигенциябез, шул исәптән Башкортстан Язучылар берлеге дә актив кушылды. Бу безнең дәүләт сәясәтебез, язучыларыбызның омтылышын хупладык, СВО зонасына командировкалар оештырырга ярдәм иттек, алар сугышчылар белән бергә аларның позицияләрендә булды.