Башкортстанда МХО яугирләренә түләүләрне озайттылар

Башкортстан Башлыгы Радий Хәбиров 29 апрель көнне махсус хәрби операциядә катнашучыларга ярдәм чараларына кагылышлы Указга үзгәрешләр кертте.

Документ нигезендә, республика җитәкчесе РФ Оборона министрлыгы белән хәрби хезмәткә контракт төзегәндә түләүләрнең гамәлдә булу вакытын агымдагы елның 15 маена кадәр озайтты.

Исегезгә төшерәбез, илнең оборона ведомствосы белән контракт төзегән Башкортстанда яшәүчеләр бер тапкыр бирелә торган 1,6 млн сум күләмендә түләү алачак, федераль өстәмә түләүләр керүне исәпкә алып — ике миллион.

«Башинформ» буенча Юлай НИЗАЕВ әзерләде.