Әлфия әби йөзләгән пар оекбаш бәйләгән

Сугыш чоры балалары махсус хәрби операциягә ярдәм итә.

Үзләре сугышның ни кадәр явыз булуын аңлаган, аны үзләре кичкән әбиләрнең бүген шулай булдыра алган кадәр яугирләребезгә ярдәм итүләре өчен никадәр рәхмәт әйтсәң дә аз ул.

 Шушы көннәрдә Кушнаренко районында яшәүче иң өлкән хатын-кызларның берсе Әлфия Исламгәрәй кызы Сәйфетдинованы Бөек Җиңүнең 80 еллыгына багышланган истәлекле медаль белән бүләкләделәр. Мактаулы бүләкне аңа Кушнаренко районы хакимияте башлыгы Марат Латыйпов һәм Шәрип авылы хакимияте башлыгы Рөстәм Гыйльманов тапшырды.

 Әлфия Исламгәрәй кызына  93 яшь, ул Гөргери авылында яши. Бөек Ватан сугышы елларында туган авылында колхозда эшли, фронтка ярдәм итә. Махсус хәрби операция башлангач, Әлфия Исламгәрәй кызы, олы яшьтә булуына карамастан, актив рәвештә волонтерлык эшчәнлегенә кушыла. Ул инде хәрбиләр өчен берничә йөз пар йон оекбаш бәйләгән.

"Әлфия Исламгәрәй кызына 80 ел элек тә безнең яклаучыларыбызга зур өлеш керткәне өчен чын күңелдән рәхмәт белдердек. Аның кебек кешеләр безгә теләсә нинди сынауларда бер-беребезгә ярдәм итүнең һәм бердәмлекнең мөһимлеген искә төшерә", – дип язды Марат Латыйпов үзенең социаль челтәрләрендә.