Билгеле артисты Илнур Локманов МХО зонасына баруы турында сөйләде

Анда ул гуманитар миссия белән булды.

— МХО зонасына баруым 2022 елдан ук планлаштырылган иде, чөнки мин Ватаныбызны саклаучылар турында пьеса яза башладым.

Әлбәттә, ялдан тыш театрның теләсә кайсы артистына гуманитар эшчәнлек өчен буш вакыт табу кыен булачак. Һәм мин театр җитәкчелегенә минем баруга каршы булмаулары рәхмәтемне белдерәм. Мин Учалы районы волонтерлары гумконвоеның Эльвира Самихова җитәкчелегендәге «Вместе мы сила» һәм Марат Атаманов җитәкчелегендәге «Лента артында чит кешеләр юк, анда барысы да безнекеләр» төркемнәре белән бардым. Мондый сәфәрләр — ул ныклыкка тикшерү һәм хәйрия эшенә үз көчеңнән килгәнчә өлеш кертү мөмкинлеге генә түгел! Бу әле иҗади кеше өчен офыкны киңәйтү дә. «Тасма артында» барысы да бераз башкача: кешеләр, хис-кичерешләр, яу кырының коточкыч параллель чынбарлыгы. Син үзеңнең барлыкка килгән стереотипларыңны үткенрәк тоя башлыйсың, кайгырасың, сындыра башлыйсы, — дип бәян итә сәнгать әһеле.

Шулай ук Илнур әфәнде яугирләребезгә ниләр алып баруларын сөйләп үтте.

— Без МХО зонасына 5 тоннадан артык йөк тапшырдык: «Нива» автомобиле, һавада эшләү өчен җиһазлар, төзелеш материаллары, маскировка челтәрләре, запас частьләр, генераторлар, медикаментлар, окоп шәмнәре, җылы әйберләр, азык-төлек һәм башкалар. Изге Рамазан ае алдыннан хәрбиләгә исән-сау әйләнеп кайтсыннар өчен, корбанлык ясадылар, — ди ул.

Юлай НИЗАЕВ әзерләде.

Чыганак: «Молодёжная газета».