"Казан" ВСУ солдатын әсирлеккә алган

Нефтекамадан МХОда катнашучы  “Казан” позывнойлы өлкән лейтенант кыюлык күрсәткән. Бу хакта шәһәр хакимиятендә сөйләделәр.

“Казан” һәм аның хезмәттәшләре 2022 елның язында хәрби бурыч алганнар. Сугышчылар дошманга гадәттәгечә иртән түгел, ә кояш күтәрелгәч, көн кызып, йокы килә башлаганда, игътибарлылык һәм уяулык кими төшкәндә һөҗүм итәргә уйлаганнар.

Разведчиклар төркеме  дошман көче урнашкан бинага табан якынайган. Безнекеләр часовойларны юк иткән, аларга бина эченә керергә кирәк булган.

“Хәтерлим, төркем белән китеп барабыз, гараж күрәм, аның кечкенә тәрәзәсе бар мин тәрәзәгә күз салдым һәм анда дошман күзләрен күрдем. Секунд эчендә шунда граната ташладым. Шартлау яңгырады. Башка сугышчылар анда сыймас иде, шуңа мин үзем тәрәзә аша кереп карарга булдым. Рацияне күрдем, аның артыннан үрелдем һәм шул мизгелдә үземдә ят караш сиздем. Гараж эчендә тагын бер дошман булган икән. Аны мин әсирлеккә алдым, рация аша үз телләрендә  иптәшләрен бирелү хакында кисәтергә куштым”, – дип исенә  төшерә “Казан”.

Дошман рациясеннән кулланып, безнең разведчиклар күп файдалы мәгълүмат алган: кем баш, кем нинди позывной астында йөри, ВСУ көчләре кайда засадада утыра һ.б. Хәрби бурычын уңышлы үтәгәннән соң “Казан” Батырлык Ордены белән бүләкләнгән.

Яшь нефтекамалы – кадрлы офицер, Казан танк училищесын тәмамлаган. МХО зонасына 2022 елның 27 февралендә эләккән. Жуков медале, “Сугышчан батырлыклары өчен” медале белән бүләкләнгән.  

"Тәҗрибә тупладык та чит уй-фикерләргә игътибарны юнәлтмибез. Агымдагы бурычны үтәүгә, ниндидер бер максатка игътибарны туплау  барысын да башкарып чыгарга гына түгел, исән калырга да ярдәм итә", –  ди “Казан”.

Исегезгә төшерәбез, МХО зонасында хезмәт итәр өчен контракт төзергә теләүчеләр үзләрен кызыксындырган сорауларны илнең хәрби ведомствосының 117 бердәм белешмә номеры, Ситуацион үзәк номерлары – 122 яисә  (347) 218-19-19 буенча, шулай ук “Мои документы” күп функцияле үзәк офисларында бирә ала. Сайлап алу пунктының телефон номеры  – (347) 248-29-31.

Шулай ук СВО зонасында контракт хезмәте, хәрби хезмәткәрләргә һәм аларның гаилә әгъзаларына социаль ярдәм чаралары турындагы сорауларга җаваплар башбат.рф сайтында,  Телеграм чат-ботларында бар. Булачак сугышчыларга яшәү урыны буенча хәрби комиссариатта яки Уфадагы Башкортстан контракты буенча сайлап алу пунктында (Революцион ур., 156) контракт буенча хезмәт итү шартлары турында аңлатырга әзер. 

Чыганак: bashinform.ru