Дүртөйлелеләр бөек шагыйрь һәйкәленә чәчәкләр салдылар

 "Әсән" концертлар да оештыра.

Бүген халык шагыйре Наҗар Нәҗминең туган көне. Шул уңайдан Дүртөйледә район башлыгы  Риф Йосыпов һәм дүртөйлеләр  бөек шагыйрь һәйкәленә чәчәкләр салдылар.

Шагыйрьгә хөрмәт күрсәтүчеләр арасында якташыбыз, Башкортстанның халык артисты, әлеге вакытта Махсус хәрби операциядә хезмәт итүче Радик Динәхмәтов та бар.

Әйткәндәй, Радик дустыбыз чираттагы ялын да сөекле якташлары белән бергә уздырырга ният итә. Ул берничә авылда концерт куячак.

Рәхмәт, Радик. Чын күңелдән халкын сөюче, сәнгатенә,  иленә хезмәт итүче булдыклы ир-егет син. Син булган җирдә тынычлык, рух һәм якты уйлар туа. Кеше булып калып, кайда да изгелекләргә урын табуың өчен рәхмәт. Син безгә өмет өстисең.