МХОда катнашучыларның гаиләләренә саллы ярдәм бу

Башкортстанда МХО катнашучыларның балаларына колледжларда белем алуны компенсациялиләр. Узган ел эчендә генә  балалары республика көллиятләрендә коммерция нигезендә укучы махсус хәрби операциядә катнашучыларның гаиләләренә 8 млн сумнан артык акча түләнгән. Республиканың 109 студентының әти-әниләре уку елына 60 мең сумга кадәр (семестр өчен – 30 мең сумга кадәр) кайтару алган, дип хәбәр итте гаилә, хезмәт һәм халыкны социаль яклау министры Ленара Иванова.

Министр Салаваттан Алинә Ягъфәрованы мисал итеп китерде. Әтисе алгы сызыкта булганда, кыз катлаулы һәм җаваплы һөнәр үзләштерә — Уфа фән һәм технологияләр университетының Стәрлетамак филиалында пилотсыз очу аппаратлары операторына укый. Укуның бәясе – елына 70 мең сумнан артык. Студент кызның әнисе Ләйсән Тузбәкова ярдәмне бик актуаль һәм вакытында дип саный, чөнки гаиләсе күп балалы: Алинаның тагын ике сеңлесе һәм кечкенә энесе бар. 2 ел укыган кызларына да әйләнеп кайткан 120 мең сум акча гаилә бюджетына булган нагрузканы киметергә ярдәм итә. Бу акчага студент кызга уку өчен яхшы ноутбук сатып алганнар.

Ленара Иванова 2025 ел Башкортстанда төбәк башлыгы инициативасы белән МХОда катнашучылар һәм аларның гаилә әгъзалары турында кайгырту елы дип игълан ителүен искә төшерде. Барлыгы төбәктә сугышчыларга һәм аларның якыннарына 40тан артык  ярдәм чарасы каралган.

Чыганак: bashinform.ru