Шифаханәләр кабул итәргә әзер!

Башкортстан шифаханәләре илдә МХОда катнашучыларны кабул итү буенча лидерлар исемлегендә.

   Бүген Башкортстан Башлыгы үткәргән атналык оператив киңәшмәдә МХОда катнашучылар һәм аларның гаилә әгъзалары өчен санаторий-курорт дәвалавын оештыру буенча мәсьәләләр каралды.

   Вице-премьер - җир һәм милек мөнәсәбәтләре министры  Наталья Полянская хәбәр итүенчә, Башкортстаннан МХОда катнашучылар бер тапкыр бирелә торган 14 көнгә санаторий-курорт дәвалавын ала алалар. Шулай ук алар бу дәвалау вакытын хатыннары яки ата-аналары белән тигез вакытка бүлә алалар. Моннан тыш, шифаханәләрдә МХОда вафат булганнарның бер туганы, яки ике туганы, җидешәр көнгә бүлеп, ял итә ала.

   “Юлламаның хакы – 60200 сум тора, финанс яктан тәэмин итү республика казнасыннан бүленә, ул 2023 ел белән чагыштырганда (82,2 миллион сум) арттырылды һәм 128 миллион сум тәшкил итә”,- диде Наталья Полянская.

   Юлламаны МХОда катнашучылар үзләре яки анда һәлак булучыларның туганнары броньли. “Сайт Минземимущества республики” сайтында бәйләнеш өчен барлык мәгълүматлар бар.

Фото: glavarb.ru