Билгеле мәгърифәтченең оныгы МХОда хезмәт иткән

Кырмыскалы районыннан пешекче ир-ат МХО зонасына хезмәт итәргә юлланган. Бу хакта район хакимиятендә хәбәр итәләр.

“Кабарга” позывнойлы сугышчыга 39 яшь. Уфаның 39нчы санлы мәктәбен тәмамлаганнан соң ул 136нчы лицейда пешекче белгечлеге алып чыккан. Быел август аенда ул Оборона министрлыгы белән контракт төзегән һәм МХОдагы сугышчыларга ярдәмгә киткән.

– Мин тумышым белән Бишавыл-Уңгар авылыннан, күренекле мәгърифәтче, галим Мөхәммәтсәлим Өметбаевның турыдан-туры токымы. Балачакта без аның әсәрләре һәм шигырьләрен укыа үстек. Шулай ук картәниебез Динә Мулкаманова – районыбызның танылган шагыйрәсе. Мин үз ата-бабаларым белән горурланам, – ди сугышчы. – Мин Ватанны сакларга беренче тапкыр гына бармадым, узган ел Донбассны азат итүдә катнаштым. Безнең подразделениеләр таркалгач, өйгә кайттым. Быел яңадан үз теләгем белән сугышчылар сафына язылырга булдым. Кызганычка каршы, сентябрьдә магнит минасына эләгеп, җитди җәрәхәтләндем.  Бүгенге көндә Башкортстанда реабилитация узам.

Исегезгә төшерәбез, МХО зонасында хезмәт итәр өчен контракт төзергә теләүчеләр үзләрен кызыксындырган сорауларны илнең хәрби ведомствосының 117 бердәм белешмә номеры, Ситуацион үзәк номерлары – 122 яисә  (347) 218-19-19 буенча, шулай ук “Мои документы” күп функцияле үзәк офисларында бирә ала. Сайлап алу пунктының телефон номеры  – (347) 248-29-31.

Шулай ук СВО зонасында контракт хезмәте, хәрби хезмәткәрләргә һәм аларның гаилә әгъзаларына социаль ярдәм чаралары турындагы сорауларга җаваплар башбат.рф сайтында,  Телеграм чат-ботларында бар. Булачак сугышчыларга яшәү урыны буенча хәрби комиссариатта яки Уфадагы Башкортстан контракты буенча сайлап алу пунктында (Революцион ур., 156) контракт буенча хезмәт итү шартлары турында аңлатырга әзер.

Русия президенты 1 августтан 31 декабрьгә кадәр контракт төзегән хәрби операциядә катнашучыларга 400 мең сум күләмендә бер тапкыр бирелә торган түләү турындагы указга кул куйды. Моңа кадәр Башкортстанда республика Башлыгы Радий Хәбиров йөкләмәсе буенча контрактчыларга бер тапкыр бирелә торган түләү күләме арткан иде, ул 505 мең сум тәшкил итә. Уфада контрактчыларга бер тапкыр түләү 400 мең сумга кадәр арткан. 

Чыганак: bashinform.ru