Башкортстанда гәзит мөхәррире МХО зонасына хезмәт итәргә юлланган

Бүген Уфада журналист Венер Җиһаншинны махсус хәрби операция зонасына озаттылар.

Бөре районының “Победа” гәзитинең баш мөхәррире илнең Оборона министрлыгы белән контракт төзергә хәл иткән. Винер Җиһаншин әйтүенчә,  Ватанны саклау – һәр ир-атның бурычы.

– Бу – минем конституцион һәм кешелек бурычым. Бүген бу нацистлар Курскка бәреп керде, ә иртәгә минем йортка килергә мөмкиннәр, аларны читкә этәрергә кирәк, – ди Винер Фларис улы. – Мин Бөре егетләренә, махсус хәрби операция сугышчыларына булыштым, гуманитар ярдәм җыйдым. Шулай ук үзенең “Патриот” рубрикасында герой сугышчылар, волонтерлар турында бик күп яздым. Ир-атның сүзләре аның эшләренә туры килергә тиеш.

Исегезгә төшерәбез: Башкортстаннан контракт буенча хәрби хезмәткә китү турындагы бөтен мәгълүмат белән башбат.рф сайтында танышырга яисә +7(347)218-19-19 номеры буенча шалтыратып белешергә була.