«Киртәләрне җимереп " III Бөтенроссия форумы күргәзмәсендә

Уфаның «Торатау» Конгресс-холлында Башкортстан Башлыгы Радий Хәбиров, статс-секретарь – Русия Оборона министры урынбасары, «Ватанны саклаучылар» дәүләт фонды рәисе Анна Цивилева һәм стратегик инициативалар агентлыгы генераль директоры Светлана Чупшева «Киртәләрне җимереп» III Бөтенрусия форумы кысаларында оештырылган күргәзмәдә булдылар.

Экспозиция мәйданчыгында Русия предприятиеләре һәм оешмалары сәламәтлек мөмкинлекләре чикләнгән халыкны реабилитацияләү һәм социализацияләү өчен билгеләнгән төрле проектлар һәм продукция тәкъдим иттеләр.

Республика башлыгы билгеләп үткәнчә, Башкортстанда «үзенчәлекле» халыкка ярдәм чаралары комплексы эшләнде, шул исәптән реабилитация җиһазлары җитештерүне субсидияләү буенча да. Моның өчен төбәктә тиешле дәүләт программасын гамәлгә ашыралар.

«Ото-инновацияләр» Уфа компаниясе вәкилләре өч ел элек протезлар чыгара башлаулары турында сөйләделәр, шул исәптән махсус хәрби операциядә катнашучылар өчен дә эшләнә. Һәм республика субсидияләү программасы җитештерүне үстерүгә һәм яңа эшләнмәләрне гамәлгә кертүгә зур ярдәм булды.

Күргәзмә кунаклары шулай ук «Башкортостаның ышанычлы тылы» һәм «Үзебезнекеләргә тегәбез һәм бәйлибез. Башкортстан" волонтерлар оешмалары эшчәнлеге белән таныштылар. Стәрлебаш, Кырмыскалы һәм Иглин районнарыннан килгән иреклеләр үз районнарында гуманитар ярдәм формалаштыруда актив катнашулары турында сөйләделәр.