Эшлекле очрашу шартларында

24 октябрьдә Республика йортында Башкортстан башлыгы Радий Хәбиров һәм Статс-секретарь – Русия Оборона министры урынбасары, «Ватанны саклаучылар» махсус хәрби операциясендә катнашучыларга ярдәм итү дәүләт фонды рәисе Анна Цивилева очрашты. Көн тәртибендә хәрби хезмәткәрләргә, аларның гаиләләренә һәм һәлак булганнарның туганнарына ярдәм күрсәтү мәсьәләләре каралды.

- Махсус хәрби операциядә катнашучыларга һәм аларның гаилә әгъзаларына ярдәм итү безнең республика өчен төп өстенлек булып тора. Безнең бөтен идарә итү командасы бу бурычларны хәл итүгә юнәлгән, - дип ассызыклады Радий Хәбиров. - Бүген без сезнең белән чираттагы гуманитар конвой җибәрдек. Төбәктә бу эш оешкан төстә җайга салынган. Безнең Луганск Халык Республикасында логистик склад бар, ул халык, иҗтимагый оешмалар, безнең эре предприятиеләр формалаштыра торган йөкләрне нәтиҗәле китереп җиткерергә мөмкинлек бирә.

Башкортстан башлыгы билгеләп үткәнчә, төбәк җитди җәрәхәтләр алган хәрбиләрне комплекслы тернәкләндерү системасын үстерүгә зур игътибар бирә.

Төбәк җитәкчесе «Ватанны саклаучылар» дәүләт фондының Башкортстан филиалы эшенең мөһимлеген ассызыклады.

Статс – секретарь-Русия Оборона министры урынбасары, «Ватанны саклаучылар» дәүләт фонды рәисе Анна Цивилева республиканың эре шәһәрләрендә хәрбиләргә һәм аларның гаиләләренә ярдәм күрсәтә торган үзәкләр булдыру практикасын аерым билгеләп үтте.