Без сезнең белән горурланабыз!

Исегезгә төшерәбез, төбәк җитәкчесе республиканың мобилизацияләнгән кешеләре позицияләрендә булды һәм Салават Юлаев исемендәге ирекле батальон сугышчылары белән очрашты. Радий Хәбиров шулай ук Луганск Халык Республикасы башлыгы вазыйфаларын вакытлыча башкаручы Леонид Пасечник белән хезмәттәшлекне үстерү перспективалары турында фикер алышты һәм якынлашып килүче Җиңү көне белән Красный Луч шәһәре ветераннарын котлады. - Эшебезне Донбасста тәмамладык. Бу юлы безгә мобилизацияләнгән егетләребезнең ничек сугышканнарын һәм ничек урнашканнарын күрү мөһим иде, - дип билгеләп үтте Радий Хәбиров. - Бездә, чыннан да, меңләгән мобилизацияләнгән егетләр күбесенчә бергә сугыша. Без өч полкта булдык. Берсендә 2 мең егет хезмәт итә, икенчесендә шулай ук 2 мең һәм өченчесендә тагын 600 кеше. Алар барысы да төрле урыннарда – Донецк, Запорожье һәм Херсон өлкәләрендә урнашкан. Егетләребез белән горурланам. Алар хәтта төзекләндерү ягыннан да барысын да дөрес эшләделәр. Бик дисциплиналы хәрби вахтада торалар, батырлык белән үзләрен тоталар. Мин республика алар белән горурлана дип әйттем. Башкортстан башлыгы подразделение командирлары белән шәхси составка нәрсәләр кирәк булуы турында сорашкан. Якын арада кирәкле әйберләр һәм җиһазлар гуманитар конвой белән җибәреләчәк. - Нәрсә кирәклеген аңлыйбыз. Бер подразделениедә окоплар өчен күбрәк төзелеш материаллары сорыйлар. Аларның үтенечен үтибез, – диде Радий Хәбиров. - Тагын бер тапкыр әйтәм, бөтен Башкортостан сезнең белән горурлана. Моннан тыш, төбәк җитәкчесе перспективалы инвестиция проектларын эшләтеп җибәрү өчен Башкортстаннан Донбасска барачак бизнес-миссияне игълан итте. - Сәфәр барышында без Луганск Халык Республикасы Башлыгы вазыйфаларын вакытлыча башкаручы Леонид Иванович Пасечник белән очраштык. Безнең интеграция алга таба бара, без төбәккә зур ярдәм күрсәтәбез. Быел да берничә объектны торгызачакбыз, - дип аңлатты Радий Хәбиров. - Бу җәйдә ЛНРГА кечкенә эшлекле миссия алып килергә ниятлибез. Монда эшләргә күп нәрсә бар. Шуңа күрә бирегә кече һәм урта бизнес вәкилләрен чакырам.

Чыганак: glavarb.rul