Хәрбиләр поезддан качкан

Воронеж өлкәсендә өлешчә мобилизация кысаларында махсус операциягә  чакырылган хәрбиләр поезддан рөхсәтсез төшеп калган. Аларны эзлиләр, дипхәбәр итә “Коммерсантъ”.

Басма язуынча, 4 февральдә төбәктә поезддан рөхсәтсез 15 кеше чыккан. Аларның унбере кире әйләнеп кайткан, дүртесе  Мәскәүгә табан юлланган. “Ъ” белдерүенчә, ирләр коралланмаган.

Baza Телеграм-каналы исә поезддан 22-35 яшьләрдәге алты кеше төшеп калган, дип яза. Аларның берничәсе таксида Мәскәүгә юлланырга мөмкин. Baza шулай ук Мәскәүдә һәм Мәскәү өлкәсендә полиция бүлекләренә ирләргә ориентировкалар җибәрелгән, дип хәбәр итә. Ә Воронеж өлкәсендә хокук саклау органнары эше көчәйтелмәгән, дип өсти “Ъ”.

Чыганак: lenta.ru