Афәрин, батыр егет!

Ил Президенты Владимир Путин Бөре шәһәрендә туып-үскән Русия Герое Борис Дудкога «Алтын Йолдыз» медален тапшырды.

Башкортстанның 33 яшьлек батыр егете Кремльгә барып, иң югары дәүләт бүләген алды. Борис Дудко - ВДВ гвардия десант-штурм дивизиясенең аерым танк батальоны командиры урынбасары. Рота аның җитәкчелегендә махсус хәрби операциянең беренче көннәреннән үк куелган бурычларны үтәгәндә зур батырлык һәм каһарманлык күрсәтә.

Борис Дудко җитәкчелегендәге танк ротасы бер авыл янындагы сугышта дошманны уратып ала һәм дошманның 20 танкын, 18 БМП һәм 200 неонацистны юк итә.

Дудко экипажы үзе 7 танкны, күп санлы пехотаны юк итте. Гвардия сугышы нәтиҗәләре буенча хәрби хезмәткәр Русия Герое исеменә тәкъдим ителде, ә ротаның бөтен шәхси составы Батырлык орденына тәкъдим ителде.