Пособие кемнәргә тиеш?

БСТ телеканалында үткән брифингта Башкортстан Республикасының Гаилә, хезмәт һәм халыкны социаль яклау министры Ленара Иванова мобилизацияләнүчеләр һәм аларның гаилә әгъзаларына карата күрсәтелгән яңа ярдәм чарасы турында сөйләде.

Башкортстан Республикасы Башлыгы Радий Хәбиров мобилизацияләнүчеләр һәм аларның һәрбер гаилә әгъзасына бер тапкыр 20 мең сум күләмендә пособие бирү турында карарга кул куйды. Төп шарт – алар барсы да башкортстан Республикасы территориясендә яшәргә тиеш.

• Бу акчаны мобилизацяләнүче дә, аның тормыш иптәше дә, баласы да алала, - диде Ленара Иванова. – Хәтта башка гаиләдә яшәүче баласы да. Шулай ук, укып йөрүче 23 яшьлек бөтен балаларына да тиешле. Аларның кайда укуы мөһим түгел: Башкортстаннан читтә укыйлармы, Башкортстандамы... Әмма бала дәүләт тәрбиясендә, балалар йортында булса, аның акчасын берсе дә алалмаячак.

Пособие турындагы тулырак мәгълүматны брифингта Башкортстан Республикасының Гаилә, хезмәт һәм халыкны социаль яклау министрлыгы сайтыннан, аның Вконтакте, Одноклассники социаль челтәрендәге, Телеграмм каналдагы рәсми битеннән, ЦУР һәм Объясняем.Башкортостан каналларында табарга була.

Пособие мобилизацияләнүчеләр һәм аларның гаилә әгъзаларына 26 декабрьгә кадәр күчәчәк.

Ленара Иванова аңлатуынча, бу пособиегә 2022 елның 21 сентябреннән соң өлешчә мобилизация кысаларында киткәннәр генә өмет итә ала.

• Башкортстаннан ирекмән булып киткән Шәйморатов, Достовалов һәм Салават Юлаев батальоннары яугирләре төбәк түләүләре алалар, - диде министр. – Аларның, шулай ук, мобилизацияләнүчеләр алмаган түләүләре бар. Радий Фәрит улы моны үзенчә мобилизацяләнүчеләргә Яңа ел бүләге дип атады.

Гаризаларны МФЦ яисә Госуслуги аша җибәрергә һәм хәрби комиссариаттан гариза алырга кирәк булачак.