Салават районы Әлкә авылы егете Марат Закиров махсус хәрби операция барышында күрсәткән батырлыгы өчен бүләккә тәкъдим ителгән. Һәм, ил президенты Владимир Путин указына ярашлы, ул Жуков медале белән бүләкләнгән.
Кече сержант инженер-сапер бүлеге составында кырларны, юлларны һәм торак пунктларны миналардан “чистарткан”. Кайчакта бу эшләрне, гомерен хәвеф астына куеп, каршы як уты астында башкарырга туры килгән.
Башкортстан егете сынатмаган. Ул алдына куелган бурычларны намус белән кыю үтәгән.
Ә бу вакытта өендә аның кызы туган дип яза “Салват җирендә” басмасы.
Маратны икеләтә шатлыгы белән котлыйбыз!