Өлешчә мобилизация тәмам

Бүген Башкортстанда өлешчә мобилизация рәсми рәвештә тәмамланды: республика өчен билгеләнгән план үтәлде.

Аның 28 октябрьдә тәмамланачагын хәрби комиссар Михаил Блажевич алдан ук әйткән иде.  

Мобилизацияләнгән ир-егетләрне биш шәһәргә – Пенза, Саратов, Казан, Елань һәм Вольскта урнашкан уку частьларына – хәрби әзерлек үтәргә җибәрделәр. Алар барысы да исән-имин өйләренә, гаиләләренә әйләнеп кайтсын дип телик.

Башкача мобилизация булмас, дип ышанасы килә.