Бүген егетне соңгы юлга озаталар...

Бүген Баймак районында махсус хәрби операция барышында һәлак булган Данис Ишморатовны соңгы юлга озаталар.

Данис - 2000 елның августында "Курск" су асты көймәсендә һәлак булган батыр якташыбыз, мичман Фәнис Ишморатовның улы.

"Офицер дәрәжәсенә күтәрелергә иде, күп бала тәрбияләргә хыялланам, ким дигәндә җиде булачак", - дип хыяллары белән бүлешкән булган. Инде бүген егет җир куенына керә...

Бик аяныч. Әнисен һәм якыннарын Ходай ярдәменнән ташламасын. Егетне Мерәс авылы зиратында әтисе янына җирлиләр.