Посылкаларны егетләргә тапшырганнар

Ир-егетләребез исән-сау әйләнеп кайтсыннар.

vk.com/radiyhabirov

“Минем киңәшчем Алик Камалетдинов безнең Шәйморатов исемендәге батальон урнашкан урынга килеп җиткән”, – дип язган бүген үзенең социаль челтәрләрендә төбәк җитәкчесе Радий Хәбиров.

“Алар алгы сызыкта Виктор атакай һәм Хәмзә хәзрәт белән бергә. Сугышчыларыбызга өйдән посылкалар һәм хатлар алып килделәр. Егетләр белән аралашалар, аларга рухи һәм психологик яктан ярдәм күрсәтәләр”.

Радий Фәрит улы әйтүенчә, әле сугышчы егетләребезгә нәрсә кирәклеге турында мәгълүмат туплана. Аннары гуманитар конвой әзерләнеп, тиздән аны алгы сызыкка җибәрәчәкләр.

“Барыгызга да уңышлар!” – дигән республика Башлыгы.