Стәрлетамак көллиятен яңа мебель белән җиһазландырганнар

Көллияткә парталар һәм урындыклар кайтарылган. Шулай ук уку йортын коворкинг‑зоналар өчен элементлар белән тәэмин иттеләр, анда студентлар проектлар турында фикер алыша, репетицияләр үткәрә һәм чараларга әзерләнә алачак. Сыгылмалы планировкалы пространстволар исә импровизацияләнгән күргәзмәләр, мини‑концертлар, мастер‑класслар оештырырга ярдәм итә.

"Без "Гаилә" милли проекты кысаларындагы ярдәм өчен рәхмәтле. Яңа җиһазлар-интерьерны яңарту гына түгел. Бу безнең студентларның киләчәгенә инвестицияләр: уңайлы мохит талантны ачарга ярдәм итә, ә коворкинг‑зоналар командада эшләргә өйрәтә. Без көллиятнең студентлар укырга гына түгел, иҗат итәргә, аралашырга, шәхес буларак үсү өчен дә килә торган урын булуын телибез", — дип билгеләде көллият директоры Павел Руденко.

"Гаилә" милли проекты балалы ата-аналарга ярдәм итү чараларын берләштерә: ана капиталы түләнә, икенче, өченче һәм аннан соңгы сабыйлар туу өчен өстәмә стимуллар булдырыла. 14 яшьтән алып 22 яшькә кадәрге яшьләргә музейларга, театрларга, кинозалларга һәм башка мәдәният учреждениеләренә бушлай йөрергә мөмкинлек бирә торган "Пушкин картасы" программасы үз эшен дәвам итә. Яңартылган милли проектлар РФ Президенты Владимир Путин карары буенча 2025нче елдан гамәлгә ашырыла.

Фото: Русиянең милли проектлары сайтыннан алынды.