Уфаның югары уку йорты киберспортның милли лигасында лидерлыгын раслады

Сириуста Киберспорт буенча милли студентлар лигасының дүртенче сезонының финал этабы тәмамланды. Илнең иң көчле студентлар составы Кара диңгез ярына чираттагы тапкыр җиңүче исемен яулау һәм 1 000 000 сум приз фонды өчен көрәшү өчен килде. Евразия НОЦ, Уфа фән һәм технологияләр университеты вузара студентлар кампусы резиденты командасы өченче тапкыр Counter-Strike 2 буенча Киберспорт буенча милли мтудентлар лигасы чемпионы булды.

Фестивальдә катнашучыларның бөтен игътибары көннең төп геройларына - А.Н. Туполев исмендәге Казан милли  тикшеренү техник университеты (Казан) һәм Уфа фән һәм технологияләр университеты бирелде. Мартта НСЛКС Суперкубогын откан УУНиТ студентлары 13:3 исәбе белән ике картаны алдылар һәм өченче тапкыр рәттән Киберспорт буенча милли студентлар лигасы җиңүчеләре булдылар.

УУНиТ ректоры Вадим Захаров студентларының уңышын болай дип билгеләде:

- Спортта лидер булу һәм күп тапкыр чемпион титулын раслау җиңел түгел. Бу зур ихтыяр көче, хезмәт сөючәнлек һәм дисциплина таләп итә. Киберспорт өлкәсендә мондый эш Уфа университетында инде сигез ел дәвамында төзелә, шуңа күрә хәзер без команданың һәм тренерлар составының барлык катнашучыларының уртак хезмәтенең лаеклы нәтиҗәләрен күрәбез. Бу җиңү - трофей гына түгел, ә заманча белем бирү программаларының, цифрлы технологияләрне кертүнең һәм системалы алымның яңа буын лидерларын тудыруына дәлил. 

БР Фән һәм югары белем бирү буенча дәүләт комитеты рәисе Светлана Мостафина билгеләгәнчә, Башкортстанда компьютер спорты фән, мәгариф һәм спорт өчен мөһим үсеш ноктасына әверелә бара.

 

 

Президент Владимир Путин кушуы буенча Русиядә заманча кампуслар челтәре төзелә. 2030 елга илдә 25 кампустан торган йолдызлык барлыкка килергә тиеш. Әлеге юнәлеш буенча эшне Русия Федерациясе Хөкүмәте һәм Русия Мәгариф һәм фән министрлыгы алып бара. Хәзерге вакытта «Яшьләр һәм балалар» милли проекты ярдәмендә шундый 24 студшәһәрчек проектлана һәм төзелә. 2036 елга кампуслар саны 40-ка җитәчәк.

Уфа вузара кампусы проекты - 4,3 мең кешегә исәпләнгән торак бүлмәләре, укыту-фәнни комплексы, лабораторияләре, эшлекле зоналары, кибетләре, уңайлы бакчалары һәм башка шәһәр мохите объектлары булган студентлар киңлеге, ул шулай ук Уфаның барлык халкы һәм кунаклары өчен дә ачык.

 

#молодежьидети

#нацпроектмолодежьидети

 

БР Хөкүмәте сайтыннан.