"Сәламәтлек поездлары" яман чирләрне алданрак ачыкларга ярдәм итә

«Сәламәтлек поездлары» ярдәмендә табиблар республика районнарында 29,3 меңнән артык кабул итү, флюорография, маммография һәм УЗИны да кертеп, 7,8 меңгә якын тикшерү уздырган.

"Табиблар беренче тапкыр пациентларда 1 843 авыру ачыклады, шуларның 649ы — социаль әһәмиятле шикле авыру. 28 пациентта яман шешләр шикләнелә, 540 — артериаль кан басымы күтәрелү белән характерлана торган авырулар, 81 — шикәр диабеты», — диделәр төбәкнең Сәламәтлек саклау министрлыгында.

Исегезгә төшерәбез, «Сәламәт республика — сәламәт төбәк» акциясе Башкортстан башлыгы Радий Хәбиров кушуы буенча үткәрелә һәм «Озайлы һәм актив тормыш" милли проекты кысаларында гамәлгә ашырыла.

Милли проектлар Русия Президенты Владимир Путин кушуы буенча эшләнде.