Дүртөйле татар драма һәм комедия театрында Габдулла Тукай хөрмәтенә бәйрәм булды

«Гаилә» милли проектының «Гаилә кыйммәтләре һәм мәдәният инфраструктурасы» федераль проекты кысаларында Дүртөйле татар драма һәм комедия театрында бөек татар шагыйре Габдулла Тукайның тууына 140 ел тулуга багышланган шигърият һәм туган тел бәйрәме узды. Бу мәдәни вакыйга күп кенә әдәбият һәм сәнгать сөючеләрне җыйды.

Кичә программасында Габдулла Тукай шигырьләре, аның текстларына җырлар яңгырады, шулай ук шагыйрь тормышының һәм иҗатының төп моментларын чагылдырган театральләштерелгән күренешләр күрсәтелде. Чарада катнашучылар татар поэзиясе һәм музыкасы атмосферасына чумды, яңа татар әдәбиятына нигез салучы һәм милли мәдәниятнең классигы булып саналган Габдулла Тукай шәхесе һәм язмышы турында күбрәк белде.

— Бу кичә бөек әдип рухына хөрмәт күрсәтү генә түгел, яшь буын өчен туган тел һәм әдәбият байлыгына кагылу, үз мәдәниятең һәм тарихың белән горурлану мөмкинлеге дә, — дип билгеләп үтте Дүртөйле татар драма һәм комедия театрының сәнгать җитәкчесе Азамат Гыйльманов.

Фото: Дүртөйле районы хакимияте.